खोटाङको दिक्तेलस्थित सपिङ कम्प्लेक्स विवादमा

आश्विन ७, २०७९

दिक्तेल रुपाकोट मझुवागढी नगरपालिकाले अनुमति नलिइ नेपाल बाल मन्दिरको नाममा रहेको जग्गामा सपिङ कम्प्लेक्स तथा चिल्ड्रेनपार्क बनाएको खुलेको छ । बाल संगठनको केन्द्रीय कार्यालयले जग्गा आफ्नो भएको दाबी गरेपछि विवाद चुलिएको हो । संस्कृति, पर्यटन तथा नागरिक उड्डयन मन्त्रालय र नगरपालिकासागको साझेदारीमा ४ करोड ३७ लाख ८४ हजार ७५१ रुपैयााको लागतमा सपिङ कम्प्लेक्स र चिल्ड्रेन पार्क निर्माण गरिएको हो ।

बाल संगठनले आफ्नो नाममा रहेको १ रोपनी ७ आना ३ पैसा २ दाम जग्गामा नगरपालिकाले अनुमति नलिइ व्यवसायिक भवन बनाएर भाडामा लगाएको भन्दै जग्गा फिर्ताको माग गरेको छ । नापी कार्यालयले पनि उक्त जग्गा बाल मन्दिरकै नाममा देखिएको छ ।

यसअघि वाल मन्दिरमा प्राथमिक विद्यालय सञ्चालन हुादै आएको थियो । विद्यार्थी संख्या घटेपछि विद्यालयलाई सरस्वती माविमा गाभिएको थियो । अहिले अर्काको जग्गामा संरचना बनाएपछि स्थानीय तहको अहिलेको नेतृत्वलाई समस्या भएको छ ।

सपिङ कम्प्लेक्सको तल्लो तलामा १४ वटा सटर र माथिल्लो तलामा रेष्टुरेण्ट हल, विभिन्न स्टल सञ्चालन गर्न मिल्ने संरचना बनाइएको छ । सार्वजनिक सम्पतिको संरक्षण र सदुपयोग गर्ने जिम्मा स्थानीय सरकारकै भए पनि छानविन नगरी अरुको जग्गामा संचरना तयार गरिादा अहिले नगरलाई निल्नु न ओकल्नु भएको छ ।