काठमाडौं । संविधानविद् भीमार्जुन आचार्यले प्रधानमन्त्री पुष्पकमल दाहालले संविधानको धारा १०० अनुसार विश्वासको मत लिन लाग्नुभएकाले यो सरकारको निरन्तरताकै लागि भएको बताउनुभएको छ ।
कान्तिपुर टेलिभिजनको विशेष कार्यक्रम संवैधानिक प्रश्नमा कुरा गर्दै संविधानविद् आचार्यले धारा ७६ को उपधारा ४ अनुसारको विश्वासको मत नयाँ सरकारले लिने तर धारा १०० को उपधारा २ अनुसारको विश्वासको मत लिँदा सरकारको निरन्तरताको लागि हुने दाबी गर्नुभएको हो ।
उहाँले अबको नयाँ सरकार संविधानको धारा ७६ को उपधारा २ वा ३ जुनसुकै आधारमा पनि गठन हुनसक्ने बताउनुभयो । संविधानविद् आचार्यले दुई दलबीचको गठबन्धन धेरै अगाडि जान भने अप्ठ्यारो रहेको बताउनुभयो ।