काठमाडौं । नेपाल र अमेरिकाबीचको तीन खेलको टी-ट्वेन्टी-आई सिरिज आजबाट सुरु भएको छ ।
टेक्ससको डालासस्थित ग्रान्ड प्रेरी क्रिकेट स्टेडियममा बिहान पौने ६ बजे सुरु भएको खेलमा अमेरिकाले टस जितेर नेपाललाई ब्याटिङको निम्तो दिएको थियो ।
जारी खेलमा नेपालले अमेरिकालाई निर्धारित २० ओभरको खेलमा ९ विकेट गुमाउँदै १ सय ६५ रनको चुनौती दिएको छ ।
नेपालका लागि कप्तान रोहित कुमार पौडेलले ४९ रन बनाए । साथै दिपेन्द्र सिहं एरीले २८ रन बनाउँदा आसिफ सेख र अनिल शाहले समान २७/२७ रन बनाए । गुल्शन झाले ११ रन बनाउदा कुशल भर्तेल १० रनमा आउट भए । यसैगरि सोमपाल कामीले २ रन मात्र बनाउन सके ।
दोस्रो खेल आइतबार बिहान र तेस्रो तथा अन्तिम टी-ट्वेन्टी आई सोमबार बिहान हुनेछ । यो सिरिजपछि नेपाल, अमेरिका र स्कटल्यान्डबीच लिग-टू का खेल हुनेछन् ।
लिग-टू सिरिज २५ अक्टोबरदेखि डालास मै सुरु हुनेछ । रोहित पौडेलको टोली क्यानडामा लिग टू र टी-ट्वेन्टी आई सिरिज खेलेर त्यहीँबाट अमेरिका गएको हो ।
खेलको प्रत्यक्ष प्रसारण कान्तिपुर म्याक्ससहित कान्तिपुर टेलिभिजनका डिजिटल प्लेटर्फममा हेर्न सकिन्छ ।