काठमाडौं । इजरायली सेनाले हमासले बिहिबार हस्तान्तरण गरेको चार बन्धकको शवमध्ये एउटा आफ्नो नागरिकको नभएको दाबी गरेको छ ।
गाजाबाट इजरायल फर्काइएका चार शवमध्ये एउटा हमासले दाबी गरेअनुसार बन्धक शिरी बिबास नभएको इजरायली सेनाको भनाइ छ ।
३३ वर्षीया शिरी बिबास र उनका दुई छोरा, एरियल र केफी, जो अहिले पाँच र दुई वर्षका हुनेछन्, मृत्यु भएको खबरले इजरायलमा शोकको लहर फैलाएको छ।इजरायल डिफेन्स फोर्स (आईडीएफ) ले बिबासका छोराहरूको शव बिहीबार हमासले इजरायललाई दिएपछि उनीहरूको शव पहिचान गरिएको जानकारी दिएको छ। तर, तेस्रो शव उनीहरुको आमाको नभएको आईडीएफले दाबी गरेको छ ।
इजरायलको दाबीमाथि हमासले अहिलेसम्म कुनै प्रतिक्रिया दिएको छैन।शिरी, एरियल र केफिर बिबास ३२, चार र नौ महिनाका थिए जब उनीहरू इजरायलमा हमासले ७ अक्टोबर २०२३ मा अपहरण गरेका थिए। बालबालिकाका बुबा ३४ वर्षीय यार्डन बिबासलाई हमासले फेब्रुअरी १ मा रिहा गरेको थियो।इजरायलले पुष्टि गरेको छ कि बिहीबार फर्किएको चौथो शव दिग्गज शान्ति कार्यकर्ता ओडेड लिफसिट्जको थियो।१९ जनवरीदेखि लागू भएको युद्धविराम सम्झौताको एक हिस्साका रूपमा बन्धकहरूको शव रिहाइ गर्ने सहमति भएको थियो।
दुवै पक्ष युद्धविरामको पहिलो छ हप्ताको अन्त्यसम्ममा करिब १,९०० कैदीहरूका लागि ३३ बन्धकहरूलाई साटासाट गर्न सहमत भए।हालसम्म २८ जना बन्धक र १,००० भन्दा बढी बन्दी आदानप्रदान भइसकेका छन्। ७ अक्टोबरमा बन्धक बनाएका ६६ जना अझै पनि गाजामा बन्दी बनाइ रहेका छन् ।
एक दशकभन्दा बढी समयअघि बन्धक बनाइएका अन्य तीन जनालाई पनि हिरासतमा राखिएको छ । गाजामा रहेका सबै बन्धकमध्ये आधा जीवित रहेको विश्वास गरिएको छ।
