काठमाडौं । इजरायली सेनाले गाजामा गरेको पछिल्लो आक्रमणमा २६ जना प्यालेस्टिनीको मृत्यु भएको छ । मृत्यु हुनेमध्ये पाँच जना विस्थापितका लागि बनाइएको आश्रयस्थलमा बसेकाहरु हुन् ।
इजरायली सेनाले प्यालेस्टाइनीहरूलाई उत्तरी गाजाको बेट लाहियाका केही भाग छोड्न आदेश दिएको छ । प्यालेस्टाइनी विदेश मन्त्रालयले गाजाका बासिन्दालाई विस्थापित गरी इजरायलले आफ्नो वस्ती बनाउने प्रयास गरेको आरोप लगाएको छ ।
यता हजारौं इजरायलीले तेल अविभमा प्रदर्शन गरेका छन् । हमासले बन्दी बनाएकाहरुलाई रिहाइको सम्झौता गर्न सरकारलाई दबाब दिँदै इजरायलीले प्रदर्शन गरेका हुन् । इजरायल–गाजा युद्धमा अहिलेसम्म ४१ हजार १ सय ८२ जनाको मृत्यु भइसकेको छ । युद्धमा ९५ हजार २ सय ८० जना घाइते भएका छन् ।
