महोत्तरी । स्थानीय तह उपनिर्वाचन अन्तर्गत महोत्तरीको रामगोपालपुर वडा नम्बर २ को मतगणना सुरु भएको छ ।
केहिबेर अघि बसेको सर्वदलीय बैठकमा सहमति भएपछि मतगणना सुरु भएको हो । साझ ६:४५ बजेबाट मतगणना सुरु भएको मुख्य निर्वाचन अधिकृत राजकुमार कोइरालाले जानकारी दिनुभयो ।
रामगोपालपुर नगरपालिका वडा २ मोहनपुर स्थित नेपाल राष्ट्रिय जनता आधारभूत विद्यालयमा मतदान केन्द्र रहेको थियो । जम्मा १ हजार ५ सय १४ मत खसेको मुख्य निर्वाचन अधिकृत राजकुमार कोइरालाले जानकारी दिनुभयो । जसमा बुथ (क) मा ४२४ महिला र ३३१ पुरुष गरि ७५५ त्यसैगरी बुथ (ख) मा ३६० महिला र ३९९ पुरुष गरि ७५९ जम्मा १ हजार ५ सय १४ मत खसेको छ । जम्मा मतदाता मध्ये ७०.७१ प्रतिशत मत खसेको मतदान अधिकृत कोईरालाले जानकारी दिनुभयो ।
उक्त वडामा एउटै मतदानस्थल रहेको श्री नेपाल राष्ट्रिय आधारभूत विद्यालय मोहनपुरमा दुई मतदान राखिएको थियो ।
