काठमाडौं । सुदूरपश्चिम प्रदेश सरकारको आगामी आर्थिक वर्ष २०८२/८३ को बजेट प्रदेश सभाबाट सर्वसम्मतिले पारित भएको छ ।
बुधबार बसेको प्रदेश सभा बैठकले प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयकसहित बजेटलाई सर्वसम्मतिले पारित गरेको हो ।
आर्थिक मामिलामन्त्री बहादुरसिंह थापाले अर्थसम्बन्धी प्रस्तावलाई कार्यान्वयन गर्न बनेको विधेयकसहित आगामी आर्थिक वर्षको बजेट सदनबाट पारित गरियोस् भन्ने प्रस्ताव पेस गर्नुभएको थियो ।
आगामी आर्थिक वर्षका लागि सरकारले ३३ अर्ब ४७ करोड ६० लाख अनुमानित बजेट गत असार १ गते प्रदेश सभामा प्रस्तुत गरेको थियो । जसमा चालुतर्फ १० अर्ब २० करोड ८१ लाख अर्थात ३०.४९ प्रतिशत र पुँजीगततर्फ १९ अर्ब ८३ करोड अर्थात् ५९.२५ प्रतिशत बजेट विनियोजन गरिएको छ ।
यसैगरी, अन्तरवित्तीय हस्तान्तरतर्फ तीन अर्ब ४२ करोड ७७ लाख -१०.२४ प्रतिशत) र वित्तीय व्यवस्थातर्फ एक करोड रूपैयाँ बजेट विनियोजन गरिएको छ । बजेटमाथि चार दिनसम्मको छलफल गरिएको थियो । छलफलमा सहभागी सत्ता र प्रतिपक्षका सांसद्हरूले बजेटको चर्को आलोचना गरेका गर्नुभएको थियो ।
