काठमाडौं । सुदूरपश्चिम प्रदेश सरकारले प्रत्यक्ष प्रदेश सभा सदस्यलाई ५ करोड र समानुपातिकलाई ३ करोड दिन घोषणा गरेको छ ।
आइतबार साँझ बसेको प्रदेश सभा बैठकमा आगामी आर्थिक वर्षको आय र व्ययको अनुमान पेस गर्नुहुँदै सुदूर पश्चिम प्रदेशका आर्थिक मामिला मन्त्री बहादुरसिंह थापाले प्रदेश सांसदलाई निर्वाचन क्षेत्रको विकासका लागि बजेट दिइएको बताउनुभएको हो ।
सुदूरपश्चिम सरकारले पुरानै कार्यक्रम र अधुरा आयोजना सम्पन्न गर्नेगरी बजेट विनयोजन गरेको छ । कृषिलाई प्राथमिकतामा राखिएको बजेटमा कृषि क्षेत्रको उत्थान र युवा कृषक प्रोत्साहनमुखी कार्यक्रम राखिएको छ ।
