काठमाडौं । दुग्ध विकास संस्थानले गत मंसिरदेखिको दुग्ध किसानको भुक्तानी गर्न सकेको छैन । उत्पादित दूग्धजन्य वस्तु विक्री नभई गोदाममा थन्किँदा किसानको ८० करोड रुपैयाँभन्दा बढी भुक्तानी गर्न नसकेको संस्थानको दाबी छ । त्यस्तै निजी क्षेत्रबाट १ अर्ब हाराहारीमा भुक्तानी बाँकी रहेको छ ।
सरकारी स्वामित्वको दूग्ध विकास संस्थानले गत मंसिरदेखि दूग्ध किसानको भुक्तानी अझै गर्न सकेको छैन । दैनिक १ लाख २० हजार लिटर हाराहारीमा दूध संकलन गरिएको भए पनि ९० हजार लिटर मात्र विक्री हुादा बााकी ३० हजार लिटर प्रशोधनमा लगिने गरेको छ ।
दूग्ध विकास संस्थानको गोदाममा ९ सय १० टन धूलो दूध, ७ सय ५० टन मख्खन र १० टन घीउ मौज्दात छ । १ अर्ब २० करोड रुपैयाँबराबरका सामान गोदाममा थन्किादा किसानको भुक्तानीमा समस्या भएको कृषिमन्त्रीको भनाइ छ ।
निजी क्षेत्रले पनि किसानको १ अर्बभन्दा बढीको भुक्तानी गर्न सकेको छैन । बजारमा मागभन्दा उत्पादन बढी हुादा किसानको भुक्तानीमा समस्या भएको नेपाल डेरी एशोसिएसनले जनाएको छ । निजी र सरकारी संस्थानले समयमा भुक्तानी नगर्दा किसान समस्यामा पर्ने गरेका छन् ।
सरकारले पटक-पटक प्रतिबद्धता जनाए पनि किसानले बक्यौता भुक्तानी पाउन सकेका छैनन् । देशका ४५ जिल्लाबाट दूध खरिद गरिरहेको दुग्ध विकास संस्थानका १ वर्षदेखि नेतृत्वविहीन छ । सात वर्षदेखि नियमित घाटामा रहेको संस्थानसमेत अस्तव्यस्त हुँदा त्यसको किसानहरु मारमा परिरहेका छन् ।
