दाङ । दाङको शान्तिनगर गाँउपालिका २ का किसानले दूध बिक्री नभएको भन्दै सडकमै पोखेका छन्।
दुग्ध विकास संस्थानले सम्झौताअनुसारको दूध नलगेपछि विरोधस्वरूप किसानले दूध पोखेका हुन् । संस्थानले पनि दूध नलगेको र भण्डारण गर्ने स्थान पनि भरिभराउ भएपछि बाघमारेस्थित दीप कृषि सहकारी संस्थामा भण्डारण गरिएको दूध फालिएको हो ।
लाखौँ रुपैयाँ खर्च गरेर पशुपालन गरेका किसानले दिनहुँ दुध फाल्ने अवस्था आउन नदिन सरकारी पक्षबाट तत्काल पहल हुनुपर्ने माग गरेका छन् ।
समूहमा आवद्ध १ सय ५० किसानबाट सो सहकारीले दैनिक ३ सय लिटर दूध जम्मा गर्दै आएको छ। ठूलो भण्डारण क्षमता नभएको हुनाले सहकारीले पनि केही दिनदेखि दूध संकलन गर्न बन्द गरेको छ ।
