काठमाडौं । सेयर कारोबार मापक नेप्से परिसूचक एक दशमलव २४ प्रतिशतले बढेर आज २७ सय १६ दशमलब ६६ बिन्दुमा पुगेको छ ।
धितोपत्र बोर्डले नेतृत्व पाएको अर्को दिन आज सेयर बजार ३३.४१ अंकले बढेको हो । नेप्सेसँगै कारोबार रकम पनि बढेको छ ।
आज ७ अर्ब ४४ करोड ९८ लाख रुपैयाँ कारोबार भएको छ। हिजो ६ अर्ब ३४ करोड रुपैयाँ कारोबार भएको थियो । आज दुई सय ११ कम्पनीको सेयर मूल्य बढ्दा ३२ कम्पनीको मूल्य घटेको छ ।
आज सबैभन्दा बढी जीवन बिमा, निर्जीवन बिमा, हाइड्रोपावर र फाइनान्स उपसमूहहरु बढेका छन् । एक करोड ४२ लाख ९२ हजार ७ सय ४२ कित्ता सेयर किनबेच भए ।
