काठमाडौं । सरकारले भन्सार दर घटाएसँगै सुनको मूल्य एकै दिन १५ हजार ९ सय रुपैयाँले घटेको छ ।
आइतबार नेपाली बजारमा १ लाख ६७ हजार दुई सय रुपैयाँमा कारोबार भएको सुनको मूल्य आज १ लाख ५१ हजार ३ सय रुपैयाँ कायम भएको छ ।
भारतमा भन्सार घटेपछि चोरी निकासी बढ्ने भन्दै गत बिहीबार बसेको मन्त्रिपरिषद्को बैठकले सुनको भन्सार २० प्रतिशतबाट १० प्रतिशत कायम गर्ने निर्णय गरेको थियो ।
प्रतितोला १५ प्रतिशत भन्सार दर रहेको सुनमा सरकारले चालु आर्थिक वर्षको बजेटमा ५ प्रतिशत बढाएर २० पुर्याएको थियो ।
