काठमाडौं । साताको कारोबारको दोस्रो दिन मंगलबार सेयर बजारमा भारी अंकको गिरावट आएको छ ।
आज नेप्से परिसूचक १४५.०५ अंकले घटेको हो । आज कारोबार रकम भने बढेको छ । मंगलबार हालसम्मकै उच्च कारोबार भएको हाे । आज २३ अर्ब ७१ करोड बराबरको कारोबार भएको छ ।
अघिल्लो कारोबार दिन अर्थात् सोमबार ४० दशमलव ७६ अंकले बढेर २७ सय ९६ दशमलब ३८ अंकमा पुगेको नेप्से आज १४५.०५ अंकले घटेर २६५१.३२ को विन्दुमा झरेको छ ।
आज कारोबार भएका ३ सय २६ कम्पनीमध्ये २ सय ७८ कम्पनीको मूल्य घट्दा ३० कम्पनीको मूल्य बढेको छ भने १२ कम्पनीको मूल्य स्थिर रहेको छ ।
