धनुषा । जनक शिक्षा सामग्री केन्द्रले मधेश प्रदेश र सो वरिपरिका क्षेत्रमा २० करोड बराबरको पाठ्य पुस्तक बिक्री वितरण गरेको छ ।
जनक शिक्षा सामग्रीको जनकपुरधाममा रहेको कार्यालयले जेठ मसान्त भित्रमा मधेश प्रदेशको सबै आठ जिल्लाका साथै ओखलढुङ्गा, खोटाङ, उदयपुर र सिन्धुली जिल्लामा गरी कक्षा ५ देखि १२ कक्षा सम्मका करिब २० करोड मूल्य बराबरको पाठ्य पुस्तक बिक्री वितरण गरेको हो ।
८१ वटा सूचीकृत पाठ्य पुस्तक बिक्रेता मार्फत २०८० चैत्र १३ देखि २०८१ जेठसम्ममा १५ लाख ५१ हजार थान पाठ्य पुस्तक बिक्री गरेको जनक शिक्षा सामग्रीले जनाएको छ । जनक शिक्षा सामग्रीको जनकपुरधाम कार्यालय सँग अझै ४ लाख जति पाठ्य पुस्तक मौज्दात रहेको बताइएको छ ।
केन्द्रले भौगोलिक रूपमा दुर्गम रहेका जिल्लाहरुलाई पहिलो प्राथमिकता दिएर पाठ्य पुस्तक बिक्री वितरण गरिएको जनाएको छ । गत शैक्षिक सत्रमा जनकपुरधाम कार्यालयले २७ करोड ६० लाख बराबरको २१ लाख थान पाठ्य पुस्तक वितरण गरेको थियो ।
.png&w=350&height=150)
