काठमाडौं । धितोले थाम्नेभन्दा बढी ऋण दिएको भन्दै नेपाल प्रहरीको केन्द्रीय अनुसन्धान ब्युरोले मंगलबार साबिकको सेन्चुरी कमर्सियल बैंकका ११ जना कर्मचारीलाई पक्राउ गरेपछि बैंकरहरुले आपत्ति जनाएका छन् ।
आफूहरूले राष्ट्र बैंकका निर्देशन बमोजिम नै ऋण प्रवाह गरेकाको भए पनि मंगलबारको पक्राउपछि बैंकिङ्ग क्षेत्र आतंकित बनेको उनीहरूको भनाइ छ ।
बुधबार वाणिज्य बैंक, विकास बैंक फाइनान्स र लघुवित्तका सीईओहरुको संगठनले प्रेस विज्ञप्ति जारी गर्दै पहिला अध्ययन पछि मात्रै पक्राउ गर्न सरकारलाई सुझाव दिएको छ ।