काठमाडौं । परराष्ट्रविद् जयराज आचार्यले मानव जातीले एकअर्काबीचको वैमनश्यता त्यागेर अघि बढ्नुपर्ने बताउनुभएको छ ।
प्रकृति र मानव जीवनको उत्पत्तिसम्बन्धी पुस्तक ‘प्रकृतिको मन’ को आइतबार काठमाडौंमा लोकार्पण गर्दै परराष्ट्रविद आचार्यले मानिसले मनलाई सम्हाल्न सक्नुपर्ने बताउनुभयो ।
मानिसको मन निद्रामा पनि जागृत हुने उहाँको भनाइ थियो । लेखक बरूणकान्त अधिकारीले जीव, जगत र जीवनबारे पुस्तकमा चर्चा गरिएको बताउनुभयो ।
मानिसको उत्पत्ति, विकसित परिस्थिति र परिवेशले निम्त्याएको अवस्थालाई आफूले वैज्ञानिक र तथ्यगत अध्ययनका आधारमा पुस्तकमा उल्लेख गरेको पनि लेखक अधिकारीको भनाइ थियो ।
