.png&w=1000&height=550)
उदयपुर । शक्रबारबाट सुरू भएको एन्फा महिला च्याम्पियन फुटबल प्रतियोगिताको उद्घाटन खेलमा एनआरटी क्लब विजयी भएको छ ।
एनआरटीले गाईघाट फुटबल क्लबलाई २-० ले पराजित गर्दै जित हात पारेको हो । उदयपुरको गाईघाटस्थित थारूहट रंगशालामा भएको खेलमा एनआरटीले दोस्रो हाफमा मात्र सफलता हात पार्यो ।
४७औँ मिनेटमा एनआरटीकी प्रतीक्षा ठकुरीले पहिलो गोल गरिन् । ७९औँ मिनेटमा सुशीला केसीले गोल गर्दै एनआरटीको जित सुनिश्चित गरिन् । एनआरटीकी प्रतीक्षाले प्लेअर अफ द म्याच बनिन् ।
शनिबारको खेलमा नेपाल पुलिस क्लब र एफसी रियलबीच प्रतिस्पर्धा हुनेछ ।
