काठमाडौं । नेपाल प्रिमियर लिगमा आज दुई खेल हुँदैछन्। बिहान सवा ११ बजे सुरु हुने खेलमा लुम्बिनी लायन्सले पोखरा एभेन्जर्सको सामना गर्नेछ। अंक तालिकामा कमजोर रहेका यी दुवै टोलीमा उत्कृष्ट प्रदर्शन गर्न सक्ने खेलाडीको भने कमी छैन।
पछिल्लो सिजन जनकपुर बोल्ट्सले च्याम्पियन बन्दा जिम्मी निसमको खेल निकै आक्रामक थियो। सो सिजन उत्कृष्ट प्रदर्शन गरेका निशम अहिलो पोखराबाट खेलिरहेका छन्। कुशल भुर्तेलको टिम पोखरामा विपिन खत्री, सागर ढकाल, तृतराज दाश, अर्जुन कुमालजस्ता उत्कृष्ट खेलाडी छन्। नेपाली घरेलु क्रिकेटमा किरण ठगुन्ना पनि चलेका नाम हुन। आडम रेसिङ्टन र रायमन रेइफर पनि खेललाई ओभरर्टन गराउने क्षमता भएका खेलाडी हुन्। यद्यपि पोखराले अहिलेसम्म तीन खेलबाट २ अंक मात्रै जोड्न सकेको छ। आज ऊ लगातार दोस्रो जितको खोजीमा छ। पछिल्लो खेलमा जनकपुरलाई हराएपछि पोखरा राम्रो लयमा फर्किएको छ।
पोखरा पहिलो खेलमा विराटनगरसँग ५३ रनले र दोस्रो खेलमा सुदूरपश्चिमसँग १८ रनले पराजित भएको थियो। लुम्बिनीले भने पहिलो खेलमा चितवनविरुद्ध निकालेको जितको लय कायम राख्न सकेको छैन। उसले पछिल्ला तीनै खेलमा हार ब्यहोरेको छ। ऊ कर्णाली याक्ससँग नौ विकेट, काठमान्डु गोर्खाजसँग २२ रन र सुदूरपश्चिमसँग सात विकेटले पराजित भएको थियो। आज पनि पराजित भए लुम्बिनीको लिग चरणबाटै बाहिरिने सम्भावना धेरै बन्नेछ।
.png&w=400&height=300)
.png&w=350&height=150)