काठमाडौं । पहिलो खेलमा डीएलएस पद्धतीमा १५ रनले पछि परेको नेपाल 'ए'ले सिरिजमा सानदार पुनारामगन गरेको हो । नेपाल 'ए'को जितसँगै ५ खेलको सिरिज १-१ को बराबरी अवस्थामा पुगेको छ ।
एसीए क्रिकेट एकेडेमीको मैदानमा टस जितेर पहिला ब्याटिङ गरेको नेपाल 'ए' ले निर्धारित २० ओभरमा ७ विकेट गुमाउँदै १ सय ७३ रन बनाएको थियो । नेपालका लागि सन्दीप जोराले ३५ रनको योगदान दिएका थिए ।
देव खनाल र पवन सर्राफले समान ३१-३१ रन बनाउँदा बसिर अहमदले २७ रन जोडे । विवेक यादव २६ रनमा अविजित रहे । आसामका आकाश सेनगुप्ताले ४ ओभरमा २५ रन खर्च गरेर ३ विकेट लिएका थिए ।
१ सय ७४ रनको लक्ष्यसहित जवाफी व्याटिङ गरेको घरेलु टोली आसाम १५ ओभर २ बलमा ७७ रनमा अलआउट भयो । आसामका रूहिनन्दन पेगुले १७ र सिबशंकर रोयले १६ रन बनाए पनि अन्य खेलाडी नेपाली बलिङ अगाडि टिक्न सकेनन् ।
नेपालका लागि लेगब्रेक बलर युवराज खत्रीले घातक बलिङ गर्दै ३ ओमर २ बलमा १५ रन खर्चिएर ४ विकेट हात पारे । बााया हातका स्पिनर बसिर अहमदले ३ विकेट लिए भने कमलसिंह ऐरी, आकाश चन्द र विवेक यादवले समान १-१ विकेट हात पारे ।
यसअघि बिहीबार भएको पहिलो खेलमा नेपाल 'ए' डीएलएस पद्धतीमा १५ रनले पराजित भएको थियो । दुई टोली बीचका बाँकी तीन खेल एसीए रंगशालामा डे-नाइट प्रारूपमा ˆलडलाइटमा हुने छन् ।
