काठमाडौं । बार्यन म्युनिखले दश खेलाडीमा समेटिएको आग्सबर्गमाथि ३-१ गोलको पुनरागमन जित हात पारेको छ। जितका बाबजुद बार्यनलाई जमाल मुसियालाको चोटले चिन्तित बनायो ।
गएराति भएको खेलमा घरेलु टिम आग्सर्बले ३०औं मिनेटमा गोल गर्दै बायर्नविरुद्ध अग्रता लिएको थियो । उसका लागि दिमित्रिस यानोलिसले गोल गरे । तर बायर्न पहिलो हाफमै खेलमा फर्कियो ।
४२औं मिनेटमा जमाल मुसियालाले गोल गर्दै खेल बराबरी गरे । ५८औं मिनेटमा सेड्रिक जेजिगरले रातो कार्ड पाएपछि आग्सबर्ग दश खेलाडीमा समेटियो । ६०औं मिनेटमा हेरी केनले गोल गरेपछि बायर्न खेलमा दुई एकले अघि रह्यो ।
इन्जुरी समयमा क्रिस्टियन माट्सिमाले आत्मघाति गोल गरे र लिग लिडर बायर्न ३-१ ले विजयी भयो । तर यो खेलमा मुसियाला चोटग्रस्त बन्नु बायर्नका लागि चिन्ताको विषय बनेको छ । अर्को साता हुने च्याम्पियन्स लिग क्वार्टरफाइनलमा उनी फिट हुने सम्भावना कम छ ।
क्वार्टरफाइनलमा बायर्नले सिरी आ क्लब इन्टर मिलानसँग खेल्दैछ । शीर्ष स्थानमा रहेको बायर्नले नौ अंकको अग्रता बनाएको छ । उसको २८ खेलबाट ६८ अंक छ । दोस्रो स्थानमा रहेको बायर लिभरकुसेनको २७ अेलबाट ५९ अंक छ । आग्सबर्ग ३९ अंकका साथ आठौं स्थानमा छ।
