काठमाडौं । राष्ट्रिय स्वतन्त्र पार्टी नेताहरूले सभापति रवि लामिछानेलाई सरकारले बदला लिने नियतले पक्राउ गरेको आरोप लगाएका छन् । चितवनको भरतपुरमा आज 'जनयात्रा' कार्यक्रमलाई सम्बोधन गर्दै रास्वपाका नेताहरूले पार्टीको मुख थुन्ने र सभापति लामिछानेमाथि बदला लिने नियतले रातारात पक्राउ गरेको आरोप लगाएका हुन् ।
रास्वपाले केन्द्रीय समिति बैठकको निर्णय अनुसार आज चितवनदेखि जनयात्रा कार्यक्रमको शुभारम्भ गरेको हो । आजको कार्यक्रममा रवि लामिछानेले सम्बोधन गर्ने भनिएको थियो । तर, सहकारी ठगी र संगठित अपराधका आरोपी लामिछानेलाई हिजो बुटवल उच्च अदालतको तुलसीपुर इजलासले थुनामा पठाउने आदेश दिएसँगै प्रहरीले पक्राउ गरेको छ ।
