काठमाडौं । साउदी प्रो लिगमा अल नासरले अल फतेहलाई पराजित गर्दै तालिकाको तेस्रो स्थानमा उक्लिएको छ । रियादमा गए राति सम्पन्न खेलमा अल नासरले पुछारमा रहेको अल फतेहलाई ३-१ गोल अन्तरले पराजित गरेको हो ।
४१औं मिनेटमा मोरक्कनका मिडफिल्डर मारवाने सादानेलेले आत्मघाती गोलपछि अल नासरले पहिलो हाफमा उपहार गोल मार्फत सुरुवाती अग्रता बनाएको थियो । ५७ औं मिनेटमा फ्रिकिक मार्फत प्राप्तबलमा मोहम्मद सिमाकनले गोल गर्दै अल नासरको अग्रता दोब्बर पारे ।
७२ औं मिनेटमा अल नासरका गोलकिपर बेन्टोले गल्ती गरेपछि मुराद बाट्नाले अल फतेहका लागि एक गोल फर्काए । क्रिस्टियानो रोनाल्डोले ८७औं मिनेटमा गोल गरेपछि अल नासरले ३-१ को जित सुनिश्चित गर्यो ।
यस जितसँगै अल नासर १७ खेलमा १० जित सहित ३५ अंक जोडेर लिगको तेस्रो स्थानमा उक्लिएको छ । अल हिलाल र अल इत्तिहाद ४३ अंकसहित लगको शीर्ष दुई स्थानमा छन् । गोल अन्तरमा अल हिलाल, अल इत्तिहाद भादा अघि छ । समान खेलमा ९ अंक सहित अल फतेह पुछारमा छ ।
