काठमाडौं । डिफेन्डिङ च्याम्पियन जर्मनी युनाइटेड कप टेनिसको क्वार्टरफाइनलमा प्रवेश गरेको छ ।
पर्थमा गएराति सम्पन्न खेलमा चीनलाई २-१ सेटमा हराउँदै जर्मनी अन्तिम ८ मा प्रवेश गरेको हो । समूह 'ई' को शीर्ष स्थानमा रहेर क्वार्टरफाइनलमा स्थान बनाएको जर्मानीले सेमिफाइनल प्रवशेका लागि कजाकिस्तानसँग भिडन्त पक्का गरेको हो ।
महिला एकलमा चीनकी गाओ सिन्युले लौरा सिगेमुन्डलाई ६-१, ३-६ र ६-३ ले हराए पनि मिक्स डबलमा अलेक्ज्याण्डर ज्वेरेभ र सिगेमुन्डले चीनका झाङ झिजेन र झाङ शुआइलाई ६-२ र ७-६ को सेटमा पराजित गरे । मेन्स सिङ्गलमा ज्वेरेभले झाङ झिझेनलाई २-६, ६-० र ६-२ ले हराएका थिए ।
