काठमाडौं । क्रिस्टियानो रोनाल्डोले भविष्यमा क्लबको मालिक बन्ने इच्छा व्यक्त गरेका छन् । सक्रिय खेल जीवनबाट सन्यास लिएपछि रोनाल्डोले फुटबल क्लब खरिद गर्ने बताएका हुन् ।
दुबईमा गएराति भएको ग्लोबल सकर अवार्डमा बोल्दै रोनाल्डोले भने, 'मेरो भनाइ याद राख्नुस, भविष्यमा म कुनै ठूलो क्लबको मालिक बन्नेछु ।' उनको यो भनाइपछि रोनाल्डोलाई प्रशिक्षक अथवा व्यवस्थापनमा देख्ने समर्थकको सपना भने पूरा हुने छैन ।
कार्यक्रममा रोनाल्डोले, प्रिमियर लिग क्लब म्याचेस्टर सिटीको पछिल्लो फर्मका विषयमा पनि चर्चा गरे । खराब फर्मबाट बाहिर आउने प्रयास गरिरहेको सिटीलाई रोनाल्डोले साथ दिएका छन् । साथै उनले साउदी प्रो लिग, फ्रेन्च लिग वानभन्दा गुणस्तरीय रहेको पनि उल्लेख गरे ।
अवार्ड कार्यक्रममा युवा स्टार लमिन यामल, जुड बेलिङगम, जेरार्ड पिके लगायत उपस्थित थिए ।
