काठमाडौं । इटालियन सिरी आमा एसी मिलानले भेरोनालाई १-० ले पराजित गरेको छ । तिज्जानी रेइन्डसले दोस्रो हाफमा गोल गरेपछि मिलानले कठिन जित हात पारेको हो ।
पछिल्ला दुई लिग खेल जित्न असफल भएको मिलानले यस खेलमना पुनरागमन गर्दै अति आवश्यक तीन अंक जोड्यो । भेरोनाको मैदानमा मिलानले पहिलो हाफमा लय समात्न संघर्ष गरेको थियो ।
तर ५६ औं मिनेटमा रेइन्डसले डेडलक तोडेपछि मिलानलाई ठूलो रहता मिल्यो । त्यपछि दुवै टिमबाट थप गोल हुन नसकेपछि रेइन्डसको गोल नै निर्णायक बन्यो । जितसँगै मिलानले १६ खेलमा ७ जितसहित २६ अंक जोडेको छ । यस जितले ऊ तालिकाको सातौं स्थानमा उक्लिएको छ । १७ खेलमा ५ जित सहित १५ अंक जोडेको भेरोना १७ औं स्थानमा छ ।