काठमाडौं । स्पेनिस लालिगामा गिरोनाले रेलिगेसनको खतरामा रहेको रियाल भालाडोलिडलाई ३-० ले पराजित गरेको छ ।
घरेलु मैदानमा सहज जित हात पारेसँगै गिरोनाले सबै प्रतियोगितामा आफ्नो ६ खेलको जितविहीन यात्रामा पुर्णविम लगाएको छ । ३१ औं मिनेटमा मिगुएल गुटेरेजको फ्रिकिकमा डेभिड लोपेजले गोल गरेपछि घरेलु टोलीले अग्रता बनाएको थियो ।
त्यसको आठ मिनेटपछि अबेल रुइजले क्लोज-रेन्जबाट हेडरमार्फत गोल गर्दै जिरोनाको अग्रदा दोब्बर पारे । यस गोलका लागी जिरोनाबाट आफ्नो १ सयौं खेल खेलेका गुटेरेजले असिस्ट गरेका थिए ।
अर्नाउट डन्जुमाको ८१ औं मिनेटमा कार्ल हेनलाई पछि पार्दै गोल गरेका थिए । यससँगै जिरिनाले ३-० को सहज जित हात पार्यो । उसले १८ खेलमा ७ जित सहित २५ अंक जोडेको छ । ऊ तालिकाको ८ औं स्थानमा छ । समान खेलमा १२ अंकसहित भालाडोलिड लिगको पुछारबाट दोस्रो स्थानमा छ ।
