बाजुरा । बाजुरमा आज बिहान ४ बजेर १४ मिनेटमा गएको ५ दशमलव २ रेक्टरको भूकम्प गएको भूकम्प मापन केन्द्र सुर्खेतले जनाएको छ ।
जगन्नाथ गाउँपालिकाको गोत्री केन्द्रविन्दु बनाएर गएको ५ दशमलव २ रेक्टरको भुकम्पका कारण मानवीय क्षती नभए पनि सामान्य रुपमा स्थानीयहरुको घर चर्किएको निमित्त प्रमुख जिल्ला अधिकारी रुपक मण्डलले बताउनुभएको छ ।
भुकम्पका कारण बुढीनन्दा नगरपालिका–४ मा एक घर भत्किएको छ । घरभित्र तीन बालबालिका बसेको अवस्थामा घर भत्किएको र बालबालिकालाई सकुशल उद्धार गरिएको जनाइएको छ । भूकम्प गएपछि बिहानबाट खनै सुरक्षाकर्मी परिचालन गरेको प्रमुख जिल्ला अधिकारी मण्डलले बताउनुभयो ।
जिल्लाका ९ वटै स्थानीय तहका जनप्रतिनिधी, स्थानीय र प्रहरीसँग समन्वय गरी क्षतीको विवरण संकलन कार्य भइरहेको जिल्ला प्रशासन कार्यालय बाजुराले जनाएको छ ।
