काठमाडौं । नेपाल प्रिमियर लिग (एनपीएल) अन्तर्गत चितवन राइनोजले विजयी सुरूआत गरेको छ । आज भएको खेलमा चितवनले काठमान्डु गुर्खाजलाई पाँच विकेटले पराजित गरेको हो ।
टस जितेर चितवनले काठमान्डुलाई पहिले ब्याटिङको निम्तो दिएको थियो । काठमान्डुले निर्धारित २० ओभरमा नौ विकेट गुमाएर एक सय ११ रन मात्र बनायो ।
जवाफी ब्याटिङमा उत्रिएको चितवनले पाँच विकेट गुमाउँदै १७ ओभर एक बलमा एक सय १४ रन बनाउँदै जित हात पार्यो ।
