काठमाडौं । नेपाल प्रिमियर लिग-एनपीएलको फ्रेन्चाइज टोली जनकपुर बोल्टस्ले यू-१९ महिला क्रिकेट टिमकी कप्तान पुजा महतोलाई 'फेस अफ बोल्ट्स्' घोषणा गरेको छ ।
पुजाको कप्तानीमा नेपालको उमेर समूहको महिला टिम पहिलो पटक आईसीसीको विश्वकपमा पुगेको छ । यूएईमा अघिल्लो हप्ता सम्पन्न एसिया छनोटको उपाधि जित्ने क्रममा पुजाले अलराउन्ड प्रर्दशन गरेकी थिइन् ।
जनकपुर बोल्ट्सले कप्तान महतोलाई नगद ५० हजार रुपैयाँसहित सम्मानसमेत गरेको छ । त्यसैगरी, जनकपुरमा सोमबार साँझ एक कार्यक्रम आयोजना गरेर क्लबले जर्सी अनावरण गरेको छ ।
बोल्ट्सले निलो र रातो रंगमिश्रित जर्सी सार्वजनिक गरेको छ । विराटनगर र पोखरा बाहेक लिगका सबै क्लबले पहिलो संस्करणमा प्रयोग गर्ने जर्सी सार्वजनिक गरिसकेका छन् ।
