काठमाडौं । इंग्ल्यान्ड र वेस्ट इन्डिजबीचको पाँचौ तथा अन्तिम टी-२० आई वर्षाका कारण वास्ड आउट भएको छ ।
सेन्ट लुसियामा आज बिहान भारी वर्षा भएपछि खेल रद्ध भएको हो । डरेन सामी नेसनल क्रिकेट स्टेडियममा पाहुना टोली इंग्ल्यान्डले टस जितेर फिल्डिङ गर्ने निर्णय लिएको थियो ।
पाँच ओभरमा बिना क्षति वेस्ट इन्डिजले ४४ रन बनाएको अवस्थामा खेल रोकिएको हो । इभिन लेविसले २९ र साइ होपले १४ रन जोडेका थिए । सिरिज इंग्ल्यान्डले तीन-एकले जितेको छ । यसअघि उसले तीन खेलको ओडिआई सिरिज गुमाएको थियो । इंग्ल्यान्डका ओपनर फिल सट सिरिजको उच्च रनकर्ता बने ।
उनले चार इनिङ्समा १ सय ६२ रन जोडे । सटले पहिलो खेलमा अविजित १ सय ३ रन बनाएका थिए । दोस्रो स्थानमा रहेका वेस्ट इन्डिजका कप्तान रोभमन पवेलले १ सय ५३ रन जोडे । इंग्ल्यान्डका सिमर सकिब मोहम्मदले चार खेलमा नौ विकेट लिए ।
फाइनल खेलमा आराम पाएका सकिव नौ विकेटका साथ प्लेयर अफ द सिरिज घोषित भए ।
