काठमाडौं । युरोपको दोस्रो श्रेणीको महादेशीय फुटबल प्रतियोगिता युरोपा लिगमा आज १७ खेल हुँदैछन् । आजै राति पौने २ बजे हुने खेलमा म्यानचेस्टर युनाइटेडले ग्रिक क्लब पिएओकेको सामना गर्देछ ।
युनाइटेडका सेन्टर ब्याक लेनी योरो टिममा फर्किएसँगै टिमको मनोबल उच्च भएको छ । मुख्य प्रशिक्षक एरिख टेन हाखको बर्खास्तिपछि टिम सम्हालिरहेको अन्तरिम मुख्य प्रशिक्षक रुड भान निस्टेलरोयको टिम अहिले युरोपा लिगको लागि तयारी भएको छ । पोर्चुगिज लिगमा रहेका रुविन अमोरिमले टिम सम्हाल्नुअघिसम्मा मात्र रुडल युनाइटेड सम्हाल्नेछन् ।
अहिले उनको भविष्यबारे पनि प्रश्नहरु आइरहेका छन् । उनले आफ्नो भविष्यबारेको वार्तालाप पर्खिरहेको प्रतिकृया दिएका छन् । युनाइटेड र ग्रिक क्लब पिएओकेबीचको खेलको नतिजाले पनि युनाइडेडमा उनको भविष्य निर्धारण गर्न सक्नेछ । युरोपा लिगमा आज राति नै रोमाले युनियन सेन्ट जिलूसँग खेल्दा टोटेनहमले गालातासरैको सामना गर्नेछ ।
त्यसैगरी होफेनहाइमले लियोनका सामना गर्दा लाजियोले पोर्टोसँग खेल्ने तालिका रहेको छ । आयाक्सले भने तेल अभिभसँग खेल्नेछ ।
