काठमाडौं । क्यानडा एचपीसँगको दोस्रो अभ्यास खेलमा नेपाल विजयी भएको छ । नेपालले घरेलु टोलीलाई २० रनले हराएको हो ।
योसँगै तीन खेलको अभ्यास सिरिज १-१ को बराबरी अवस्थामा पुगेको छ । पहिलो खेलमा नेपाल ३ विकेटले पराजित भएको थियो । खेल जितेपनि क्यानडा एचपीसँग यस पटक पनि नेपाली ब्याटर पूरै ५० ओभर पिचमा टिक्न सकेनन् ।
टस जितेर पहिला ब्याटिङ रोजेको नेपाल ४६ ओभर १ बलमा १ सय ७६ रनमा अल आउट भयो ।
ओपनर अर्जुन साउद ७ र अनिल साह २५ रनमा आउट भए । देव खनाल १५, भीम सार्की १६ र आरिफ शेखले १८ रन बनाए । दीपेन्द्रसिंह ऐरी २७ रनमा बाहिरिदा कुशल भुर्तेल गोल्डेन डक भए । सोमपाल कामीले ३३ बलमा २ चौकासहित सर्वाधिक ३१ रन बनाए । गुल्सन झा ६ रनमा आउट भए ।
घरेलु टोलीका लागी निशान्त भर्गव, सुखिन्दर सिंह, शाहिद आहमदजाई र इफरान सादतले २-२ विकेट लिए ।
१ सय ७७ रनको लक्ष्य पछ्याएको एचपी ४५ओभर ३ बलमा १ सय ५६ रनमा अल आउट भयो । ओलिभर कक्सले ७८ बलमा १ चौका र २ छक्कासहित सर्वाधिक ३९ रन बनाए । मुनिर अहमद काकाले ३६ रनको योगदान दिए । नेपालका गुल्सन झा र ललित राजवंशीले २-२ विकेट लिए ।
दीपेन्द्रसिंह ऐरी, रिजन ढकाल र कुशल मल्लको नाममा १-१ विकेट रहृयो । दुई टोलीबिचको तेस्रो तथा अन्तिम खेल मंगलबार हुनेछ ।
