काठमाडौं । साउदी प्रो लिगमा अपराजित अल हिलालले अल अहलीविरुद्ध पुनरागमन जित हात पारेको छ ।
डिफेन्डिङ च्याम्पियन अल हिलालले अल अहलीलाई २-१ गोल गोल अन्तरले पराजित गरेको हो । १ गोलले पछि परेको अल हिलालले कमब्याक जित हासिल गर्यो । अल हिलालको तर्फबाट दुवै गोल एलेक्सान्डर मिट्रोभिकले गरे ।
किंग अब्दुल्ला स्पोर्ट सिटीमा गाब्री भेइगाले १२ औं मिनेटमा गोल गरेपछि पहिलो हाफमा अल अहलीले १-० को अग्रता बनायो ।
५६ औं मिनेटमा मिट्रोभिकको गोलमार्फत अल हिलालले पुनारगमन गर्यो । ७८ औं मिनेटमा सर्बियन स्ट्राइकर मिट्रोभिकले पेनाल्टीमार्फत दोस्रो गोल थपेपछि अल हिलाल विजयी भयो ।
यससँगै ६ खेलमा ६ जित सहित १८ अंक जोडेको अल हिलाल तालिकाको शीर्ष स्थानमा छ । दोस्रो स्थानको अल इत्तिहादको समान खेलमा १५ अंक छ । क्रिस्टियानो रोनाल्डोको अल नासर १४ अंकका साथ तेस्रोमा छ ।
पराजित अल अहली ६ खेलमा ७ अंक सहित १० औं स्थानमा छ ।