काठमाडौं । पेरिस ओलम्पिक्स २०२४ का स्वर्ण पदक विजेता स्टार टेनिस खेलाडी नोभाक जोकोभिच यूएस ओपन ग्रान्ड स्ल्याम टेनिस प्रतियोगिताको तेस्रो चरणबाटै बहिरिएका छन् ।
जोकोभिच अस्ट्रेलियाका एलेक्सेई पोपिरिनसँग ४ सेटमा पराजित भएपछि तेस्रो चरणबाटै बाहिरिएका हुन् ।
कीर्तिमानी २५औं ग्राण्डस्लाम उपाधिको खोजीमा रहेका डिफेन्डिङ च्याम्पियन जोकोभिचले सुरुवाती २ सेट ४-६ र ४-६ ले गुमाएका थिए ।
तेसो सेटमा ६-२ को नतिजा हात पारे पनि चौथो सेटमा पोपिरिनविरुद्ध खास चुनौती प्रस्तुत् गर्न नसक्दा ३७ वर्षीय जोकोभिच ४-६ ले पछि पर्दै प्रतियोगिताबाट बाहिरिए । यस वर्ष पेरिसमा पहिलो पटक ओलम्पिक्स स्वर्ण जिते पनि जोकोविचले २०१७ पछि पहिलो पटक बिना कुनै मेजर उपाधि सिजन समाप्त गरे ।
कार्लोस अल्काराजपछि वर्षको अन्तिम ग्रान्ड स्लामबाट बाहिरिने जोकोभिच अर्का हाई प्रोफाइल खेलाडी हुन् ।
.png&w=350&height=150)