खोटाङमा बाँस सम्मेलन हुने

खोटाङ । खोटाङमा प्रथम राष्ट्रिय बाँस सम्मेलन हुने भएको छ । दिक्तेल रूपाकोट मझुवागढी नगरपालिकाले आगामी फागुन १५, १६ र १७ गते "जहाँ बाँस त्यहाँ जीवन, जहाँ जीवन त्यहाँ बाँस" भन्ने मूल नाराका साथ सम्मेलन आयोजना गर्न लागेको हो ।

नेपालमा खेर गइरहेका बाँसलाई मानव जीवन उपयोगी बनाउने लक्ष्यका साथ सम्मेलन आयोजना गर्न लागिएको हो । सम्मेलनमा बाँस शोधकर्ता, उद्यमी, व्यवसायी तथा विभिन्न विश्वविद्यालयका प्राध्यापकहरूको सहभागिता रहने बताइएको छ। बाँसको उपयोगिता तथा सम्भावनाका बारेमा सरकारको ध्यानाकर्षण समेत गराइने नगरपालिकाले जनाएको छ ।