काठमाडौं । लोरेन्जो मुसेट्टी क्रोएसिया ओपनको क्वाटरफाइनलमा प्रवेश गरेका छन् । दोस्रो वरियताका मुसेट्टीले अर्जेन्टिनाका मार्को ट्रुङ्गेलिटीलाई सोझो सेटमा पराजित गरेका हुन् ।
उमागस्थित गोरान इभानिसेभिक स्टेडियममा २२ वर्षीय इटालियन खेलाडी मुसेट्टीले ट्रुङ्गेलिटीलाई ६-४ र ६-३ को सोझो सेटमा हराए । यससँगै मुसेट्टी एटीपी २५० क्ले कोर्ट इभेन्टको अन्तिम आठमा प्रवेश गरेका हुन् । अब उनले सेमिफाइनल प्रवेशका लागि सर्बियाका डुसान लाजोभिकसँग खेल्नेछन् ।
चौथो वरियताका फ्रान्सिस्को सेरुन्डोलोले मातेज डोडिगलाई ६-३, ६-४ ले पराजित गरे । यस्तै चेक गणतन्त्रका युवा खेलाडी जाकुब मेन्सिकले पाँचौं वरियताका लुसियानो डार्डेरीलाई ६-४, ६-३ ले पराजित गर्दै पहिलो पटक टुर लेभल प्रतियोगिताको क्वाटरफाइनलमा स्थान बनाउन सफल भए ।