काठमाडौं । साउदी प्रो लिगमा शीर्ष स्थानको अल हिलालले क्रिस्टियानो रोनाल्डोको अल नासार माथि तीन शून्य गोलको सहज जित हात पारेको छ ।
रियाद डर्बीमा प्राप्त यो जितपछि हिलालले अंक तालिकामा ६ अंकको अग्रता बनाएको छ । किङ फाहद स्टेडियममा गएराति भएको खेलको पहिलो हाफ गोलरहित बराबरीमा सकिएको थियो । ६४ औँ मिनेटमा मिडफिल्डर सर्गे मिलिनकोभिच साभिचले हेडर गोल गर्दै हिलालाई अग्रता दिलाएका थिए ।
उनानसत्तरी औँ मिनेटमा अलेक्जान्दर मिट्रोभिचले गोल गरेपछि नासार दुई शून्यले पछि परेको थियो । इन्जुरी समयमा उनैले गोल गरेपछि नासार तीन शून्यले स्तब्ध बनेको हो । पाहुना टोलीका समर्थकबीच खेल भावना विपरीत गोलको खुसीयाली मनाएपछि अल हिलालका आली अब्दुलाहीले रातो कार्ड पाएका थिए ।
हिलाल जारी लिगमा अपराजित छ । उसले १५ खेलमा १३ मा जित र दुईमा बराबरी खेलेको छ । शीर्ष स्थानमा रहेको उसको ४१ अंक छ । दोस्रो स्थानमा रहेको नासारको ३४ अंक छ ।
