काठमाडौं । नेकपा एमालेको सचिवालय बैठक जारी छ । आगामी महाधिवेशनको तयारीका लागि एमालेले सचिवालय बैठक बोलाएको हो ।
भक्तपुरको गुन्डुस्थित अध्यक्ष केपी शर्मा ओलीको निवासमा जारी बैठकमा विधान प्रतिवेदन, महाधिवेशन प्रतिनिधि चयनको मापदण्डलगायतबारे छलफल भइरहेको छ । गत असोज अन्तिम साता बसेको एमाले केन्द्रीय कमिटी बैठकले आगामी मंसिर २७ देखि ३० गतेसम्म पोखरामा ११औं महाधिवेशन गर्ने निर्णय गरेको थियो।
