काठमाडौं । नेपाली काँग्रेसमा आबद्ध जेन–जी उमेर समूहका केही युवाले मुलुकमा सुशासन कायम गर्न पार्टीभित्रैबाट शुरु गर्नुपर्ने भन्दै आन्तरिक सुशासन आयोग गठन गर्न माग गरेका छन् ।
काठमाडौंमा आज पत्रकार सम्मेलन गरेर उनीहरुले पार्टीबाट जनप्रतिनिधि बनेका सबैको समीक्षा गरी अनुगमन गर्नुपर्ने बताए ।
नियमित वा विशेष महाधिवेशन गरी पार्टीलाई आधुनिक दलको रूपमा नयाँ ऊर्जासँग अघि बढ्ने रोडम्याप सार्वजनिक गर्न समेत उनीहरुले आग्रह गरेका छन् ।
