काठमाडौं । नेपाली कांग्रेसका नेता एवं निःवर्तमान ऊर्जा, जलस्रोत तथा सिंचाईमन्त्री दीपक खड्काले आफू देश छोडेर भाग्नुपर्ने कुनै कारण नरहेको बताउनुभएको छ ।
गृहमन्त्री ओमप्रकाश अर्यालले पूर्वमन्त्री खड्का अमेरिका भागेको भनि अन्तर्वार्ता दिएलगत्तै उहाँले सोमबार जेन-जी आन्दोलनले ध्वस्त बनाएको आफ्नै निवास परिसरमा पत्रकार सम्मेलन गरी सो दाबी गर्नुभएको हो ।
उहाँले गृहमन्त्री अर्याललाई आफू के कारणले देश छोडेर भाग्नुपर्ने रहेछ ? भनि प्रश्न समेत गर्नुभयो । पूर्वमन्त्री खड्काले आफूले मुलुकमा भ्रष्टाचारविर"द्ध अभियाननै चलाएको जिकिर समेत गर्नुभयो । उहाँले राजनीति खर्चिलो हुन्छ भनेर आफूले व्यापार व्यवसाय गरेर राजनीतिमा आएको पनि बताउनु भयो ।
नेता खड्काले श्रीमतीलाई डेंगु लागेर विरामी भएपछि उपचारको लागि भारत गएको स्पष्टिकरण समेत दिनुभयो ।
