काठमाडौं । नागरिक उन्मुक्ति पार्टी (नाउपा)को केन्द्रीय कार्यसमिति बैठक काठमाडौंमा सुरू भएको छ ।
पार्टी अध्यक्ष रञ्जिता श्रेष्ठको अध्यक्षतामा आइतबारदेखि केन्द्रीय समितिको बैठक सुरू भएको हो । बैठकमा समसामयिक राजनितिक विषय, पार्टीको विधान संशोधन, केन्द्रीय समितिको विस्तार लगायतको विषयमा छलफल हुने नाउपाका प्रवक्ता दामोदर पण्डितले जानकारी दिनुभयो ।
उहाँले हाल पार्टी भित्र विवाद नरहेको पनि बताउनु भयो । निर्वाचन आयोगले अध्यक्ष रञ्जितालाई नै वैधानिकता दिएपछि विवाद समाधान भएको उहाँको दाबी छ । अध्यक्ष रञ्जितालाई आफूसमेत सहभागी भएर दुईपटक कारबाही गरेको उल्लेख गर्नुहुँदै उहाँले त्यसलाई निर्वाचन आयोगले मान्यता नदिएको बताउनु भयो ।
उहाँले अब यहाँ सन्तुष्ट, असन्तुष्ट भन्दा पनि पार्टी बचाएर अगाडी लैजाने कुरा रहेको उल्लेख गर्नुभयो । नाउपाको केन्द्रीय समिति बैठक सोमबारसम्म चल्नेछ । बैठकमा पार्टी संरक्षक रेशम चौधरी र उहाँका पक्षधर भने सहभागी हुनुभएको छैन ।
