काठमाडौं । नेपाली कांग्रेसका सभापति शेरबहादुर देउवाले लोकतन्त्रको स्थापनाका लागि आदिवासी, जनजातिहरूको भुमिका महत्वपूर्ण रहेको बताउनुभएको छ ।
पार्टी केन्द्रीय कार्यालयमा आयोजित एक कार्यक्रमलाई सम्बोधन गर्दै उहाँले यस्तो बताउनुभएको हो । उहाँले आदिवासी जनजातिले पार्टी र देशका लागि कठोर संघर्ष गर्नुभएको बताउनु भयो ।
उहाँले प्रजातन्त्र स्थापनाको मार्गमा आफ्नो घर परिवारको प्रवाह नगरी आदिवासी, जनजातिहरूले काम गरेको बताउनु भयो । आदिवासी, जनजातिकै त्याग र बलिदानका आधारमा नेपाल लोकतान्त्रिक गणतन्त्रमा प्रवेश गर्न सफल भएको उहाँकाे भनाइ छ ।
सभापति देउवाले आदिवासी, जनजातिलगायत नेताहरूलै देखाउनुभएको लोकतान्त्रिक समावेशी मार्गमा कांग्रेस अग्रसर रहेको बताउनु भयो ।
