काठमाडौं । सञ्चार तथा सूचना प्रविधि मन्त्री एवं सरकारका प्रवक्ता पृथ्वीसुब्बा गुरूङले लिपुलेक नेपालकै भूमि रहेको बताउँदै कुटनीतिक तवरले टुंग्याउनुपर्ने बताउनुभएको छ ।
शुक्रबार पोखरामा प्रेस चौतारी कास्कीले गरेको पत्रकार सम्मेलनमा मन्त्री गुरूङले लिपुलेकबाट नेपाल सरकार पछि नहटेको बताउँदै भारत र चीनले गरेको व्यापार सहमतिको विषय कूटनीतिक तहबाटै समाधान गरिनुपर्ने बताउनुभएको हो ।
लिपुलेकमा व्यापारका लागि करिडोर बनाउनेबारे नेपालको चासोको विषय भएको उहाँको भनाइ छ । फरक प्रसंगमा मन्त्री गुरूङले उपसभामुख इन्दिरा रानालाई पदबाट हटाउने विषयमा सत्ता गठबन्धनभित्र कुनै सहमति नभएको स्पष्ट पार्दै चर्चा भए पनि त्यसले आधिकारिकता नपाएको बताउनुभयो ।
उहाँले रास्वपा सरकारमा हुँदा राना उपसभामुख बनेको तर अहिले परिस्थिति फेरिएको समेत उल्लेख गर्नुभयो ।
