जनकपुर । मधेश प्रदेशको राजधानी धनुषाको जनकपुर ढल्केबर ६ लेन सडकअन्तर्गत नक्टाझिझ र महेन्द्रनगरमा भएको छुट्टा-छुट्टै दुर्घटनामा परि एक दम्पत्तिको ज्यान गएको छ भने चार जना घाइते भएका छन् ।
आइतबार भएको सवारी दुर्घटनामा साइकलमा सवार मिथिला नगरपालिका लक्ष्मी निवासका ६० वर्षीय राजकुमार महतो र उहाँकी धर्मपत्नी ५५ वर्षिया सुमित्रा देवीको मृत्यु भएको हो । सुमित्राको घटनास्थलमै र राजकुमारको उपचारको क्रममा मृत्यु भएको ईलाका प्रहरी कार्यालय ढल्केबरले जनाएको छ । बागमति प्रदेश ०३१ च २०३६ नम्बरको कार तीव्र गतिमा ढल्केबरतर्फ जाँदै गरेको कार जेब्रा क्रसिंग नजिक सडक छेउमा महतो दम्पत्तिलाई जोडले ठक्कर हानेको थियो ।
कार र कार चालक प्रहरीले नियन्त्रणमा रहेको छ भने दुवैजना शव पोष्टमार्टमका लागि जनकपुर प्रादेशिक अस्पतालमा राखिएको छ । सोही सडक खण्डअन्तर्गत महेन्द्रनगरमा भएको कार दुर्घटनामा परि चार जना घाइते भएका छन । चारै जनाको उपचार भई रहेको प्रहरीले जनाएको छ ।
