पूर्वी नवलपरासी । झन्डै साढे दुई घन्टा अवरूद्ध बनेको नारायणगढ -बुटवल सडकको दाउन्ने खण्ड केहीबरे अघिदेखि एकतर्फी खुलेको छ ।
पूर्वी नवलपरासीको विनयी त्रिवेणी गाउँपालिका-२ पैँसट्ठी मोडमा सडक विस्तार कार्यमा प्रयोग भएको स्काभेटर बिग्रिँदा सडक दुईतर्फी अवरूद्ध भएको थियो । जिल्ला प्रहरी कार्यालय पूर्वी नवलपरासीका अनुसार बिग्रिएको स्काभेटर छेउ लगाएर सडक एकतर्फी खुलाइएको हो ।
ठूलो उपकरण भएकाले सडकबाट हटाउन कठिन भएको छ । सडक अवरूद्ध हुँदा रोकिएका सयौँ सवारीसाधन गन्तव्यतर्फ लागेका छन् । विश्वकर्मा मन्दिर नजिकै पनि बाटो एकतर्फी मात्रै खुला भएकालेले यात्रा अझै सहज छैन । सडक विस्तारको क्रममा यस खण्डमा सडक चिप्लो, खाल्डाखुल्डी तथा भारी सवारी साधन फस्ने समस्याले हरेक दिन यातायात सञ्चालनमा समस्या आउने गरेको छ ।
.png&w=350&height=150)
