काठमाडौं । काठमाडौंमा छठको तयारी तीव्र पारिएको छ ।
काठमाडौंको गौरीघाट, कमलपोखरी, मनहरा, बागमतीलगायतका खोला किनारामा छटको तयारी गरिएको हो । नदी आसपासमा सरसफाई, टेन्ट हाल्ने, विद्युत् जडान गर्ने काम भइरहेका छन् । पछिल्ला वर्षमा काठमाडौं उपत्यकामा छठ मनाउने प्रचलन बढ्दै गएपछि कम्तिमा २० ठाउँमा छठको तयारी गरिएको हो ।
दर्शनार्थी बढी हुने ठाउँमा छठको प्रसाद बनाउने काम पनि सुरु भएको छ । छठ समितिहरुले स्थानीय प्रशासनसँग सुरक्षाको समन्वयसमेत गरिरहेका छन् । छठको मुख्य दिन सोमबार सरकारले सार्वजनिक बिदा दिएको छ ।
