काठमाडौं । सुनसरीको इनरूवामा नेपालकै अग्लो राष्ट्रिय झन्डा फहराइएको छ ।
इनरूवाको वडा नम्बर ७ मा निर्माणाधीन ग्रिन सिटी पार्कभित्र २ सय १० फिट अग्लो राष्ट्रिय झन्डा फहराइएको हो । पाथीभरा देवीको मन्दिर निर्माणका लागि आयोजित पुराणकाबीच इनरूवामा नेपालकै अग्लो राष्ट्रिय झन्डा राखिएको छ । पञ्चेबाजाको धुनसहित विशेष पूजाआजा गरी अग्लो उचाइमा राखिएको नेपालको राष्ट्रिय झन्डाका झन्डाेत्तोलन गरिएको थियो ।
ग्रीन सिटी परियोजनाअन्तर्गत इनरूवामा नेपालकै अग्लो राष्ट्रिय झन्डा राखेको डीएन ग्रुपले अग्लो राष्ट्रिय झन्डासहित निर्माणाधीन पाथीभरा मन्दिरको पूर्णतासँगै थपिने संरचनाहरूले इनरूवाको पर्यटन र विकासमा टेवा पुग्ने विश्वास लिएको छ ।
