चुर्लिङ खोलाको पुल निर्माणमा ढिलाइ, स्थानीय बासिन्दा प्रभावित

हेटौंडा । पश्चिम मकवानपुरको राक्सीराङ गाउँपालिका-३ को पलाँसे र मैनटार जोड्ने चुर्लिङ खोलाको पुल निर्माणमा ढिलाइ भएको छ । 

८० मीटर लम्बाइको पुल निर्माणका लागि डिभीजन सडक कार्यालय हेटौंडाले २०७७ माघ २८ मा निर्माण कम्पनीसँग सम्झौता गरेअनुसार २०७९ माघ १६ मा निर्माण सक्नुपर्ने भए पनि काममा ढिलाइ भएको हो । ६ करोड ४८ लाख रूपैयाँको लागतमा निर्माण कार्य सुरू गरिएको पुल निर्माण कार्यमा ढिलासुस्ती हुँदा राक्सीराङ गाउँपालिकाको वडा नम्बर १, २ र ३ का विपन्न चेपाङ र तामाङ समुदाय समस्यामा परेका छन् ।