काठमाडौं । जेन-जी अभियन्ता तनुजा पाण्डेले नेपालमा युवाहरुको आन्दोलन राजनीतिक दलमा सुधार, पारदर्शिता, जवाफदेहीता र सामाजिक सञ्जालमाथि लगाइएको प्रतिबन्ध हटाउन केन्द्रित रहेको बताउनुभएको छ ।
काठमाडौंमा सोमबारदेखि सुरु 'कान्तिपुर कन्क्लेभ' को पाँचौं संस्करणमा वक्ताको रुपमा बोल्दै पाण्डेले यो आन्दोलन बंगलादेश र श्रीलंकासँग मिल्दोजुल्दो भए पनि नेपालको आफ्नै अर्गानिक रहेको बताउनुभयो ।
परम्परागत राजनीतिक दलमा सुधार चाहे पनि नयाँ अनुहार र नयाँ दलका लागि भने जेन-जी आन्दोलन नभएको उहाँको भनाइ छ । जेन-जी आन्दोलन लामो समयदेखि युवामाझ रहेको नैराश्यताको विस्फोट रहेको समेत उनको भनाइ छ ।
