डडेलधुरा । बैतडीमा जन्ती बोकेको बस दुर्घटनामा परेर १३ जनाको मृत्यु भएको छ । पुर्चौडी नगरपालिका –७ को भौनीबाट जन्ती लिएर फर्किने क्रममा सोही वडाको बढ्गाउँ मोडमा बस दुर्घटनामा परेको हो ।
सुप प्र ०२ ००१ ख १११९ नम्बरको बस दुर्घटनामा परेर १३ जनाको मृत्यु भएको जिल्ला प्रहरी कार्यालयका डीएसपी दिपक कुमार रायले जानकारी दिनुभयो ।
उहाँका अनुसार ८ जनाको घटनास्थलमै मृत्यु भएको थियो भने थप पाँच जनाको उपचारका लागि अस्पताल लैजादै गर्दा बाटोमा ज्यान गएको हो ।
रातिको समयमा दुर्घटना भएकाले उद्दारमा कठिनाइ भएको प्रहरीले जनाएको छ ।
मृत्यु हुनेहरूमा बझाङको बित्थडचिर गाउँपालिका–७ का ४० वर्षीय केशव राज जोशी, १३ वर्षीय अशोक राज जोशी, ३५ वर्षीय बसन्त जोशी, ४१ वर्षीय विष्णुदत्त जोशी, ४२ वर्षीय नरेश राज जोशी रहेका छन् । बझाङकै केदारस्यु गाउँपालिकाका ६० वर्षीय मोहन देव भट्ट, जयपृथ्वी गाउँपालिका–७ का ४० वर्षीय बसन्त राज रतलाको पनि मृत्यु भएको छ ।
त्यस्तै, बैतडीको पुर्चौली नगरपालिका–७ का वर्षीया पुष्पा अवस्थीको पनि मृत्यु भएको प्रहरीले जनाएको छ । दुर्घटनामा परेर ४० जना घाइते भएका छन् । घाइतेहरूको डडेलधुरा अस्पताल, बझाङको देउलेक र धनगढीमा उपचार भइरहेको छ ।
बैतडीको पुर्चौडी देखि बझाङको सुनकुडा जाँदै थियो । बस सडकबाट २ सय मिटर तल खसेको प्रहरी जनाएको छ ।
.png&w=400&height=300)
